Согласно членот 299 став (8) од Законот за енергетика (*) („Службен весник на Република Северна Македонија“ бр.101/25 и 135/25), заради доследна примена на шесттиот дел „Изградба на нови енергетски објекти“ и подготовка на Годишниот план за изградба на енергетски објекти за 2026 година, како и запазување на законскиот рок за доставување на иницијатива од заинтересиран инвеститор, Министерството за енергетика, рударство и минерални суровини на својата веб-страница во делот Документи ја објави општата содржина на потребната документација, која ќе треба да се достави до 1 октомври 2025 година за вклучување во Годишниот план за изградба на енергетски објекти за 2026 година.
До донесување на Правилникот од членот 87 став (9) од Законот за енергетика (*) („Службен весник на Република Северна Македонија“ бр.101/25 и 135/25) Иницијативата за вклучување во Годишниот план за изградба на енергетски објекти за 2026 година треба да се изработи и поднесе согласно општата содржина на потребната документација објавена на веб-страницата и истата ќе биде соодветно разгледана и систематизирана во одредбите на правилникот кој што ќе го пропише Министерот за енергетика, рударство и минерални суровини.
Публикуваните документи и обрасци за поднесување на Иницијатива за вклучување во Годишниот план за изградба на енергетски објекти за 2026 година заинтересиран инвеститор може да ги преземе од следниов линк: https://energy.gov.mk/mk-MK/dokumenti/dokumenti
Скопје, 4 септември 2025 година
Со почит,
Министерство за енергетика, рударство и минерални суровини