Министер

Сања Божиновска е истакнат лидер во енергетскиот сектор, којашто во моментов ја извршува функцијата-Министерка за енергетика, рударство и минерални суровини на Република Северна Македонија, на којашто позиција е од Јуни 2024 година. Со нејзинoто импресивно професионално портфолио фокусирано на меѓународни енергетски пазари и стратешко креирање политики, Божиновска е широко препознаена како една од клучните фигури коишто ја придвижуваат енергетската транзиција на земјата и осовременувањето на државата.

Како министерка, Божиновска е предводник на транзицијата на Северна Македонија насочена кон поодржлив, безбеден и диверзифициран енергетски систем. Таа го предводи сеопфатниот реформски процес насочен кон намалување на зависноста од јаглен, забрзување на воведувањето на обновливи извори на енергија и усогласување на националните политики со климатската и енергетската рамка на Европската Унија. Нејзиното лидерство беше пресудно за забрзување на поголемите инфраструктурни и интерконекциски проекти, зајакнување на регионалната енергетска соработка и отворање можности за инвестиции во чиста енергија и иновации.

Централен столб на нејзината работна позиција како министерка е имплементацијата на Праведната Енергетска Транзиција, обезбедувајќи услови со цел процесот на декарбонизација да биде воедно и економски одржлив и социјално инклузивен.  Министерката Божиновска даде приоритет на трансформацијата на регионите кои зависат од јаглен, создавањето на нови зелени работни места и на развојот на енергетски индустрии насочени кон иднината. Преку тесна координација со меѓународните финансиски институции, вклучувајќи ја и Европската банка за обнова и развој, таа го поддржа обезбедувањето на значителни финансиски средства и техничка помош за забрзување на транзицијата на државата.

Пред да стапи во јавна служба, Божиновска изгради исклучително значајна кариера во приватниот сектор со дводецениско искуство работејќи за мултинационални енергетски компании низ цела Европа. Нејзиното искуство ги опфаќа енергетските инвестиции, стратешкото планирање на пазарите во подем и развојот на прекуграничните енергетски иницијативи. Таа имаше клучна улога во обликувањето на регионалните стратегии насочени кон зајакнување на соработката, отпорноста и одржливоста во енергетскиот сектор.

Покрај нејзината корпоративна кариера, таа во период од неколку години работеше како независен енергетски консултант, во улога на советник на влади, компании и други чинители во справувањето со комплексните енергетски предизвици и приспособувајќи се на брзо променливиот глобален енергетски пејзаж. Нејзината работна кариера  е со силен фокус на иновации, интеграција на пазари и долгорочно стратешко планирање.

Божиновска дипломирала Бизнис администрација на Англо-Американскиот универзитет во Прага и магистрирала Меѓународен бизнис на Универзитетот во Гронинген, Холандија. Нејзиното академско образование обезбеди цврста основа за нејзината експертиза во областа на глобалните пазари, економскиот развој и енергетската политика.

Паралелно со нејзините раководни и јавни одговорности, таа е, исто така, вклучена во политичките процеси и процесите на креирање политики, придонесувајќи во обликувањето на националните енергетски стратегии и реформски агенди.

Како истакнат женски лидер во традиционално машки доминантен сектор, Божиновска е препознаена по нејзината посветеност за унапредување на родовата еднаквост и јакнење на жените на лидерски позиции. Нејзиниот пристап е со фокус на координација, инклузија и креирање политики ориентирани кон резултати, позиционирајќи ја Северна Македонија како кредибилен и партнер со поглед на иднината.

Преку нејзиното комбинирано искуство во бизнисот, политиките и јавното лидерство, Сања Божиновска продолжува да има централна улога во унапредување на транзицијата на Северна Македонија кон отпорен и ниско-јаглероден енергетски систем подготвен за иднината, дополнително зајакнувајќи ја улогата на државата како доверлив партнер во регионалниот и европски енергетски простор.