Успешно се одржа промотивниот настан за започнување на ЕУ проектот ОСС Хабитат. Овој проект претставува значаен чекор кон унапредување на енергетската ефикасност и одржливиот развој.
Настанот собра преставници од Владата, Европската Унија, експерти од областа на енергетиката и граѓанскиот сектор, кои ја истакнаа важноста на проектот за енергетската транзиција во земјата.
Во рамките на настанот се одржа и панел дискусија на која како панелист учествуваше заменикот министер Мирослав Лабудовиќ, кој го истакна значењето на проектот во контекст на националните стратегии за зголемување на енергетската ефикасност и намалување на емисиите на штетни гасови.
Клучни цели и придобивки од проектот се реновирање на повеќе од 200 станбени единици за зголемување на енергетската ефикасност, намалување на потрошувачката на енергијата за околу 40%, снижение на емисиите на СО2 за повеќе од 3,584 тони годишно и создавање на долгорочни партнерства за одржлив развој.
Присутните учесници имаа можност да се запознаат со иновативните решенија што ќе се применат во рамките на проектот, како и со чекорите што ќе следат во процесот на имплементација.
Министерството за енергетика, рударство и минерални суровини го нагласува значењето на овој проект како дел од националните напори за подобрување на енергетската ефикасност и заштита на животната средина.
Со почит,
Министерство за енергетика, рударство и минерални суровини
