Делегација на Министерството за енергетика, рударство и минерални суровини на Северна учествува на престижниот Smart Grid PCI Summit 2025, кој се одржува во Љубљана, Словенија. Настанот претставува едно од најзначајните регионални и европски собири за иднината на електроенергетските системи и паметните мрежи.
Самитот обединува креатори на политики, регулатори, проектни промотори, индустриски компании, истражувачи и оператори на електропреносни системи, со цел да разменат искуства и да дефинираат нови решенија за предизвиците во електроенергетиката.
За Македонија, учеството на овој форум е особено значајно, бидејќи:
- Регионалната соработка е клучна за обезбедување стабилни и сигурни енергетски системи;
- Мрежата на експерти и институции овозможува брз трансфер на знаење и добри практики;
- Размената на искуства со европските партнери е предуслов за побрза енергетска транзиција и интеграција во заедничкиот европски енергетски пазар.
Темите на самитот опфаќаат резилиентност и безбедност на електроенергетските мрежи, улогата на дигитализацијата и вештачката интелигенција, примената на иновативни технологии од ЕУ проекти, како и иднината на контролни системи за енергетските капацитети.
Со учеството на „Smart Grid PCI Summit 2025“, Министерството за енергетика, рударство и минерални суровини ја потврдува својата посветеност на регионалната и европската енергетска интеграција и на градењето на паметни, сигурни и одржливи енергетски системи за иднината.
Со почит,
Министерство за енергетика, рударство и минерални суровини
