Министерката за енергетика, рударство и минерални суровини, Сања Божиновска, денеска учествуваше во завршниот министерски дел од Седмиот министерски состанок на Партнерството за трансатлантска енергетска соработка (P-TEC), кој се одржува во Варшава, Полска.
Во рамки на денешната програма беше реализирана заедничка фотографија на министрите за енергетика од земјите учеснички, американскиот секретар за енергетика Крис Рајт и претставниците на меѓународните институции, по што следуваше затворениот министерски состанок.
Затворениот состанок беше посветен на размената на мислења за енергетските приоритети и можностите за понатамошно продлабочување на трансатлантската соработка меѓу САД и европските партнери.
Со учеството на овој министерски форум, Северна Македонија продолжува да ги развива партнерствата со САД и европските земји, со фокус на енергетската безбедност, диверзификацијата на снабдувањето и регионалната поврзаност.
P-TEC ги обединува владините претставници, меѓународните институции и енергетскиот сектор од Европа и САД со цел унапредување на соработката и зајакнување на сигурноста на енергетското снабдување.
Со почит,
Министерство за енергетика, рударство и минерални суровини