Ministria e Energjisë, Minierave dhe Burimeve Minerale e njofton publikun se procesi i shpërndarjes së bonuseve për blerjen e kondicionerëve inverter është realizuar me sukses.
Gjatë ditës së djeshme, në Qendrat e Punësimit në të gjithë vendin janë shpërndarë mbi 90% të bonuseve, ndërsa në Shkup dhe Bitola, ku shpërndarja u bë në Qendrën Sportive "Boris Trajkovski" dhe Sallën Sportive "Boro Čurleski", janë shpërndarë 79% dhe 64% e bonuseve të planifikuara. Duke marrë parasysh numrin e marrësve të bonuseve nga këto dy qytete, si dhe nga Prilepi (në Qendrën e Punësimit), shpërndarja e bonuseve vazhdon sot në të njëjtat lokacione. Aktualisht, nuk ka radhë në tri lokacionet dhe procesi po zhvillohet në mënyrë të rregullt, sipas dinamikës së planifikuar.
Ministria i njofton të gjithë ata që ende nuk i kanë marrë bonuset se mund t’i tërheqin ato nga e hëna deri në fund të muajit nëntor, në ambientet e Ministrisë që ndodhet në fillim të rrugës "Maqedonia", përballë Muzeut të Qytetit të Shkupit.
Ministria mbetet e gatshme për çdo pyetje shtesë, ndërsa informacionet e rregullta për aktivitetet e tanishme shpallen në faqen tonë të internetit dhe përmes linjave të hapura telefonike.