Ministrja e Energjisë, Minierave dhe Lëndëve Minerale, Sanja Bozhinovska, dhe Sekretari i Shtetit Goran Jovanovski, realizuan një vizitë pune në Komunën e Jegunovcës, e cila me një sipërfaqe prej 176,93 km² dhe mbi 8.000 banorë, është një qendër e rëndësishme për shfrytëzimin e lëndëve minerale. Në kuadër të komunës, disa kompani disponojnë koncesione për shfrytëzim të lëndëve minerale, të lëshuara nga Ministria e Energjisë, Minierave dhe Lëndëve Minerale. Këto koncesione kontribuojnë në zhvillimin ekonomik lokal dhe sigurojnë të ardhura të rëndësishme për buxhetin e komunës.
Në një takim me Kryetarin e Komunës së Jegunovcës, Dimitar Kostadinoski, u diskutua për projektet aktuale dhe ato të ardhshme lidhur me minierat dhe shfrytëzimin e lëndëve minerale në rajon.
Ministrja Bozhinovska dhe Kryetari Kostadinoski theksuan rëndësinë e menaxhimit të qëndrueshëm të burimeve natyrore, respektimin e standardeve mjedisore dhe protokolleve të sigurisë gjatë shfrytëzimit të lëndëve minerale. Po ashtu, u theksua nevoja për transparencë dhe bashkëpunim ndërmjet pushtetit lokal dhe koncesionarëve, për të maksimizuar përfitimet për komunitetin.
Ministria e Energjisë, Minierave dhe Lëndëve Minerale mbetet e angazhuar për të mbështetur komunat si Jegunovca, duke siguruar ndihmë ekspertizë dhe mbikëqyrje në zbatimin e detyrimeve ligjore lidhur me minierat dhe shfrytëzimin e lëndëve minerale.
Me respekt,
Ministria e Energjisë, Minierave dhe Lëndëve Minerale
