Ministria e energjisë, minierave dhe burimeve minerale, përmes angazhimit dhe vizionit të saj, merr pjesë aktive në zbatimin e Planit të Veprimit të Partneritetit të qeverisjes së hapur 2024-2026. Sot u mbajt takim tematik i qeverisë për Partneritetin për Qeveri të Hapur për të diskutuar progresin dhe angazhimet e institucioneve.
Ministria e energjisë, minierave dhe burimeve minerale është koordinatore e Angazhimit 1.3 – publikimi i marrëveshjeve të koncesionit dhe krijimi i partneriteteve publike private, si dhe pjesëmarrës aktiv në Angazhimin 1.2 – publikimi i pronarëve përfitues të kompanive që kanë lidhur kontrata me shtetin.
Me këto angazhime, të bashkë-krijuara në partneritet me sektorin civil, Ministria dërgon një mesazh të qartë:
"Energjia, minierat dhe burimet minerale janë sektorë me rëndësi të madhe publike që sjellin zhvillim ekonomik në vend. Menaxhimi i tyre duhet të jetë transparent, i përgjegjshëm dhe i disponueshëm për publikun, sepse suksesi në këto fusha ndërtohet dhe ndahet me qytetarët – është prej tyre dhe për ta", deklaroi ministrja e energjisë, minierave dhe burimeve minerale Sanja Bozhinovska.
Rezultate konkrete:
• Është ngritur një grup pune brenda Ministrisë për të zbatuar publikimin e të gjitha marrëveshjeve të lidhura për:
1. koncesionet për shfrytëzimin e burimeve minerale,
2. kontratat për kërkime të detajuara gjeologjike.
Këto dokumente janë të disponueshme publikisht në faqen e internetit të Ministrisë:
www.energy.gov.mk, duke mundësuar akses të drejtpërdrejtë për qytetarët dhe organizatat qytetare.
• Në seksionin e partneritetit publik privat (PPP), Ministria tashmë mban një regjistër të kontratave të dhëna. Ky regjistër do të përditësohet në kuadër të projektligjit të ri PPP duke krijuar një Sistem të vetëm elektronik të partneritetit publik privat që do të mbulojë të gjitha fazat e projekteve – nga planifikimi, deri te dhënia, zbatimi dhe përfundimi i kontratave.
Sistemi do të lidhet drejtpërdrejt me Sistemin elektronik kombëtar të prokurimit publik (SEPP).
Përmes këtyre aktiviteteve, Ministria riafirmon se transparenca dhe llogaridhënia janë baza për menaxhimin e suksesshëm të burimeve publike.
Me respekt,
Мinistria e energjisë, minierave dhe burimeve minerale
