Ministrja për Energjetikë, Minerale dhe Miniera, Sanja Bozhinovska, pati një takim me përfaqësues të Ambasadës Gjermane në Republikën e Maqedonisë së Veriut. Gjatë takimit u diskutua për thellimin e bashkëpunimit bilateral në fushën e kalimit energjetik dhe trajtimin e sfidave klimatike.
Gjatë takimit, Ministrja Bozhinovska mori një ftesë zyrtare, e cila iu dorëzua nga përfaqësuesit e Ambasadës Gjermane, për pjesëmarrje në Dialogun e 11-të të Berlinit për Kalimin Energjetik (Berlin Energy Transition Dialogue – BETD), i cili do të mbahet më 18 dhe 19 mars 2025 në Berlin. Ftesa është dërguar nga Ministrja e Punëve të Jashtme e Gjermanisë, Annalena Baerbock, dhe Ministri i Ekonomisë dhe veprimit Klimatik, Robert Habeck.
Kjo ftesë ka rëndësi të veçantë për vendin tonë dhe paraqet një njohje të rëndësishme për përpjekjet e Ministrisë së Energjetikës, Mineraleve dhe Minierave, si dhe për Ministren Bozhinovska në fushën e kalimit energjetik. Ministrja Bozhinovska do të jetë përfaqësuesja e vetme nga Maqedonia e Veriut.
Dialogu i Berlinit për Kalimin Energjetik është një forum ndërkombëtar kryesor që bashkon përfaqësues të lartë nga politika, industria, shkenca dhe shoqëria civile për shkëmbimin e ideve dhe zgjidhjeve për kalimin energjetik global. Pjesëmarrja e Ministres Bozhinovska do të mundësojë paraqitjen e përpjekjeve dhe arritjeve të Maqedonisë së Veriut, duke krijuar mundësi të reja për bashkëpunim me partnerë ndërkombëtarë.
