Ministria e energjisë, minierave dhe burimeve minerale, bazuar në Programin për mbrojtjen e konsumatorëve të cenueshëm të energjisë për vitin 2025, ka publikuar shpallje publike për mbështetje të amvisërive që bëjnë pjesë në kategorinë e konsumatorëve të cenueshëm të energjisë, përmes ndarjes së:
1. Të drejtës për blerje dhe isntalim të kondicionerit inverter me fuqi 3,5 kW dhe klasë energjetike së paku A+
2. Mbështetje financiare për energjinë elektrike të konsumuar për personat që i përkasin kategorisë së konsumatorëve të cenueshëm
Qëllimi i shpalljes
Shpallja synon të mbrojë konsumatorët e cenueshëm qe ndodhen ne gjendje të varfërisë energjetike duke promovuar efikasitetin e energjisë dhe duke përmirësuar cilësinë e jetës së amvisërive që plotësojnë kriteret e përcaktuara për të ardhura të ulëta ose janë të cenueshme socialisht.
1. Kriteret për dhënien e kondicionerit inverter
Kategoritë e amvisërive
• Amvisëri me të ardhura të ulëta, të ardhurat totale mujore neto të të cilave në vitin 2024 nuk tejkalonin:
Ø 25.000 denarë për amvisëri me një person
Ø 31.000 denarë për amvisëri me dy anëtarë
Ø 37.000 denarë për amvisëri me tre anëtarë
Ø 43,000 € për amvisëri me katër ose më shumë anëtarë
• Amvisëri në të cilat të ardhurat e vetme janë pensioni dhe të ardhurat totale mujore neto në vitin 2024 nuk tejkalojnë:
15.700 denarë për amvisëri me një person
19.800 denarë për amvisëri me dy anëtarë
23.700 denarë për amvisëri me tre ose më shumë anëtarë
Një person mund të paraqesë vetëm një kërkesë për një amvisëri.
E drejta për kondicioner inverter nuk mund ta realizojnë amvisëritë që kanë përdorur një subvencion për blerjen e kondicionerit ose sobë me pelet në 5 vitet e fundit, si dhe ata që janë të lidhur me sistem për ngrohje qendrore.
Ministria do të monitorojë dhe kontrollojë zbatimin e shpalljes publike dhe ka të drejtë të anulojë vendimin nëse konstatohen parregullsi ose mosrespektim të kushteve të Programit.
2. Kriteret për mbështetje financiare për energjinë elektrike të konsumuar
Kategoritë e amvisërive:
1) Me një ose më shumë persona me aftësi të kufizuara të rënda ose të thella intelektuale
2) Me aftësi të kufizuara të rënda
3) Me persona krejtësisht të verbër
4) Me persona krejtësisht të shurdhër
Një person mund të paraqesë vetëm një kërkesë për amvisëri.
3. Dokumentacioni i nevojshëm
Për ndarjen e kondicionerit inverter:
· Kërkesë e plotësuar (formulari 1 dhe 2)
· Deklaratë, e noterizuar
· Fotokopje e letërnjoftimit të aplikantit
· Fotokopje e letërnjoftimit të anëtarët të amvisërisë – për të rriturit ose certifikatat e lindjes për të miturit në amvisëri, certifikata e martesës, certifikata e divorcit ose certifikatë vdekjeje, dhe
· Fotokopje e faturës së fundit të energjisë elektrike për vitin 2025
Për ndarjen e mbështetjes financiare për energjinë elektrike të konsumuar:
· Kërkesë e plotësuar (Formularët 1, 2, 3 dhe 4)
· Një deklaratë e besueshmërisë së të dhënave, e certifikuar nga një noter
· Fotokopje e së drejtës së fituar të përfituesit të një shtesë të veçantë
· Fotokopje e faturës së fundit të energjisë elektrike për vitin 2024 dhe
· Fotokopje e letërnjoftimit të aplikantit dhe
· Fotokopje e letërnjoftimit të anëtarëve të amvisërisë – për të rriturit ose certifikatat e lindjes për të miturit në amvisëri, certifikata e martesës, certifikata e divorcit ose certifikatë vdekjeje, dhe
4. Mënyra e dorëzimit të dokumentacionit
Formularët dhe deklarata janë në dispozicion në web- faqen e internetit të Ministrisë, në seksionin Shpallje Publike. Dokumentacioni duhet të dorëzohet me postë ose personalisht në:
Rr. "Maqedonia" nr. 27 – 1000 Shkup.
Telefonat e kontaktit: 071 319 074; 070 381 162;
E-mail: ranlivipotrosuvaci@energy.gov.mk
5. Afatet e aplikimit
• Për dhënien e kondicionerit inverter – afati i aplikimit është 60 ditë nga data e publikimit të shpalljes publike, përkatësisht deri më 5 tetor 2025.
• Për mbështetje financiare për energjinë elektrike të konsumuar – afati i aplikimit është 30 ditë nga data e publikimit të shpalljes publike, përkatësisht deri në fund të gushtit 2025.
Me respekt,
Мinistria e energjisë, minierave dhe burimeve minerale