Ministrja e Energjetikës, Minierave dhe Burimeve Minerale, Sanja Bozhinovska, sot zhvilloi takim pune me Znj. Sharlote Ru, Drejtoreshë Ekzekutive për Evropën Qendrore dhe Juglindore në Bankën Evropiane për Rindërtim dhe Zhvillim (BERZH).
Në takim u diskutuan projektet aktuale energjetike në Maqedoninë e Veriut, me theks të veçantë në rëndësinë e zhvillimit të parkut të erës Bogdanci 2 dhe ecurinë e interkonektorit me Greqinë, i cili do të kontribuojë në forcimin e stabilitetit energjetik dhe integrimit në tregun rajonal. BERZH shprehu interes të veçantë për shfrytëzimin e potencialit hidroenergjetik, me fokus në mundësitë e ofruara nga hidrocentrali i Kozjakut.
Përveç kësaj, takimi shqyrtoi procesin e vazhdueshëm të zhvillimit të Grid Master Planit, i cili është kyç për stabilitetin e rrjetit elektrik dhe mundësimin e një pjese më të madhe të energjisë nga burimet e rinovueshme. Ata gjithashtu diskutuan për modernizimin e Sistemit të Kontrollit dhe Monitorimit (SCADA), si dhe forcimin e sigurisë kibernetike të rrjetit. U theksua gjithashtu rëndësia e zhvillimit të sistemeve të ruajtjes së energjisë së baterive nga ESM, si dhe instalimi i kapaciteteve shtesë për forcimin e rrjetit.
Ministria dhe BERZH diskutuan gjithashtu për masat e efiçiencës së energjisë dhe investimet e mundshme që banka mund të mbështesë në kuadër të strategjisë kombëtare të energjisë.
Ministria riafirmoi angazhimin e saj të fortë për partneritetin me BERZH-in, të cilin e konsideron një aleat kyç strategjik në procesin e tranzicionit energjetik dhe zhvillimit të qëndrueshëm. Të dyja palët ranë dakord se vazhdimi i bashkëpunimit të suksesshëm do të jetë thelbësor për avancimin e infrastrukturës energjetike të vendit dhe forcimin e sigurisë energjetike të vendit.
BERZH është i përkushtuar të mbështesë Maqedoninë në zhvillimin e saj energjetik dhe partneriteti ynë tregon qëllimin tonë të përbashkët – rritjen e sigurisë energjetike dhe një ekonomi të gjelbër në rajon", theksoi zonja Ru.
Në takim u riafirmua angazhimi për intensifikimin e dialogut dhe zhvillimin e projekteve të reja që do të kontribuojnë në tranzicionin e gjelbër dhe rritjen ekonomike të Republikës së Maqedonisë.
Me respekt,
Мinistria e energjetikës, minierave dhe burimeve minerale
