Ministria e Energjisë, Minierave dhe Burimeve Minerale, në Shtip, mbajti punëtorinë për ndërtimin e kapaciteteve të administratës komunale për përgatitjen e programeve të efiçiencës së energjisë.
Ngjarja u realizua në kuadër të projektit "Mbështetje për reformat energjetike në Republikën e Maqedonisë së Veriut", i financuar nga Delegacioni i Bashkimit Evropian. Punëtoria kishte për qëllim të siguronte mirëkuptim dhe njohuri më të madhe praktike për obligimet ligjore të njësive të vetëqeverisjes lokale, përgatitjen dhe zbatimin e programeve të efiçiencës së energjisë, si dhe mekanizmat e financimit për zbatimin e tyre.
Përmes prezantimeve, ushtrimeve praktike dhe diskutimeve, pjesëmarrësit morën udhëzime të detajuara për hartimin e programit të efiçiencës së energjisë, një plan vjetor zbatimi, si dhe përgatitjen e raportit për realizimin e vitit paraprak. Gjithashtu, u prezantua metodologjia për llogaritjen e potencialit indikativ për kursim të energjisë dhe qasjet për përcaktimin e rentabilitetit të masave të propozuara.
Punëtoria u hap nga përfaqësues të Ministrisë dhe ekipit të projektit, dhe gjatë gjithë ditës pjesëmarrësit punuan me ekspertë nga vendi dhe nga ekipi ndërkombëtar i projektit.
Ministria do të vazhdojë aktivitetet për forcimin e kapaciteteve institucionale dhe sigurimin e zbatimit të qëndrueshëm të standardeve evropiane në fushën e efikasitetit të energjisë.
Me respekt,
Ministria e Energjisë, Minierave dhe Burimeve Minerale
