Ministrja e Energjisë, Mineraleve dhe Burimeve Minerale, Sanja Bozhinovska, po merr pjesë në Forumin Energjetik të Evropës Juglindore (SEEF 2024), i cili po mbahet sot në Selanik, Greqi. Në edicionin e tetë të këtij eventi të rëndësishëm energjetik, Bozhinovska ishte paneliste në temën: "Bashkëpunimi Energjitik në Ballkanin Perëndimor dhe Mesdheun Lindor: Një Pika Kyçe për Sigurinë Energjetike të BE-së".
"Kam pasur mundësinë dhe privilegjin të flas për tema të rëndësishme energjetike që aktualisht janë në fokusin e opinionit publik evropian. Së bashku me ministrat e energjisë dhe ministritë përkatëse nga Greqia, Shqipëria, Bullgaria, Kosova, Rumania dhe Egjipti, shkëmbyem mendime dhe qëndrime, si dhe mundësi për drejtime të mundshme për stabilitetin energjetik që besoj se do t'i realizojmë në periudhën në vijim", tha Bozhinovska pas diskutimit në panel.
Gjatë fjalimit të saj, Bozhinovska adresoi sfidat me të cilat përballen vendet e rajonit, duke theksuar rëndësinë e kalimit në energji të pastër, kalimin nga burimet tradicionale në ato të rinovueshme dhe nevojën për dekarbonizim. Shteti ynë, si pjesë e një sistemi kompleks, është një pjesë e pandashme e sistemit energjetik rajonal, i cili nuk mund të shihet veçmas, por vetëm si një pjesë e gjithsecilit cikël të ardhshëm investimesh dhe planesh zhvillimi për Ballkanin Perëndimor.
"Të gjithë aktorët e përfshirë në proceset që lidhen me kalimin në energji të pastër në një kontekst më të gjerë socio-ekonomik duhet të jenë të bashkuar në angazhimin e tyre për ndërtimin e mekanizmave të qëndrueshëm, funksionalë dhe transparentë për mbështetje të bashkëpunimit rajonal. Ne si Qeveri do të kemi një rol të rëndësishëm dhe proaktiv në formësimin e sigurisë energjetike të shteteve të Evropës Juglindore. Jemi në procesin për realizimin e një skenari të qëndrueshëm mjedisor në të gjitha nivelet, kemi hapur një front të gjerë aktivitetesh lidhur me kalimin e drejtë, i cili praktikisht është pjesë e agjendës së gjelbër, por po ashtu përdorim një qasje të kujdesshme, sepse ende varen nga burime bazë të energjisë. Synojmë të rrisim përdorimin e gazit, të cilin e shohim si një energjent kyç për dekadat e ardhshme, përmes gazifikimit të plotë dhe ndërtimit të centraleve me kombinuar energjinë. Në të njëjtën kohë, vazhdojmë me investime në burime të rinovueshme përmes ndërtimit të sistemeve fotovoltaike dhe parqeve me erë", theksoi Bozhinovska.
Në margjinat e Forumit, Bozhinovska realizoi takime me përfaqësues të kompanive greke Hellenic Energy Holding, si dhe me kompaninë greke DESFA, e cila punon në një pjesë të gazsjellësit në vendin tonë.
Forumi Energjetik i Evropës Juglindore është një nga ngjarjet më të njohura në rajon, që mbledh në një vend krijuesit kryesorë të politikave, rregullatorët, investitorët, përfaqësuesit e sektorit privat, profesorët dhe ekspertët që prezantojnë dhe ndajnë praktikat më të mira për trendet dhe sfidat energjetike në rajon. Ngjarja organizohet nga Dhoma Amerikano-Greke e Tregtisë dhe Shoqata Greke për Ekonominë Energjetike në bashkëpunim me Ambasadën e SHBA-ve në Greqi, në partneritet strategjik me Këshillin Atlantik dhe Institutin Global të Energjisë të Dhomës së Tregtisë të SHBA.
Më shumë informacione rreth ngjarjes: SEEF 2024
